Irudi analisia

Liburuan zehar antzinako bizimodua adierazten duten hainbat irudi aurkituko dituzu: garai hartako bizitza, jarduera ekonomikoak, kultura, artea, gizartearen bilakaera etab. Irudi horiei ahalik eta etekinik handiena ateratzeko garrantzitsua da honako prozedurari jarraitzea:

1. Izenburua. Kasu honetan, Neolitiko garaiko bizimodua izan daiteke.
2. Izenburua arrazoitzea. Honetarako garrantzitsua da irudien xehetasunetan arreta jarri eta zenbait galderari erantzutea:
   • Irudietako pertsonek zer jarduera ekonomiko garatzen dituzte?
   • Nolakoak dira etxebizitzak? Zer materialez eginak dira? Herrixkari ematen al diote iraunkortasunik?
   • Irudietako pertsonek zer tresna eta lanabes erabiltzen dituzte?
3. Eman itzazu irudiak adierazten duen testuinguruko alderdiei buruzko argibideak. Horretarako egitura ezazu informazioa atal nagusitan: ekonomia, gizartea, kultura, teknologia...
4. Zabal ezazu garaiari buruzko informazioa, irudi osagarrien bidez: tresnak, makinak, eraikinak, jantziak, txanponak etab.