|
Gaia: Estatuen antolamendu politikoa
Atala: Egungo mapa politikoak
Euskal kontzertu ekonomikoa
Zerga-autonomia ematen du, eta, beraz, lurraldeetako erakunde zaharrei edo foru-ogasunei (Eusko Jaurlaritzari, foru-aldundiei eta udalerriei) zergak biltzeko eskubidea aitortzen die. Bildutako diruarekin autonomia-erakundeak finantzatzen dira, baina kupo jakin bat Espainiako estatuari ematen zaio, EAEri eskaintzen dizkion zerbitzuen truke.
Arabak, Bizkaiak eta Gipuzkoak beren administrazio-organoak dituzte, eta oso aspaldikoak eta tradizio historiko handikoak direnez, funtzioak moldatu egin behar izan dituzte, egungo administrazio-sistema demokratikoarekin bat etortzeko.
- Batzar Nagusiek lurralde historikoetako botere legegilea gauzatzen dute. Batzarkideak sufragio unibertsal bidez hautatzen dira, eta ahaldun nagusia batzarkideek aukeratzen dute.
- Foru-aldundiek lurralde historiko bakoitzeko botere betearazlea gauzatzen dute, ahaldun nagusia buru dela.
- Udalerriak: Espainiako estatuko gutxieneko lurralde-unitateak dira. Gaur egun, 8.104 udalerri daude. Udalerri multzoek probintziak edo lurraldeak osatzen dituzte, oso aspalditik. Udal batzuek hainbat herrigune dituzte, eta herrigune horietako bat udalerriko hiriburua izaten da. Toki-administrazioaren izena udala da. Udaletan, alkateak eta zinegotziek autonomia-legeetan finkatutako eskumenetan oinarrituz betetzen dituzte gobernu-zereginak. Zinegotziak hauteskunde bidez aukeratzen dira, eta, gero, zinegotziek alkatea aukeratzen dute. Udal-zergak biltzen dituzte, baina estatu- eta autonomia-zergetatik ere zenbateko jakin bat eskuratzen dute, biztanle kopuruaren arabera.
20
Erantzun zeure koadernoan:
- Eman itzazu honako kontzeptu hauen definizioak: kontzertu ekonomikoa, kupoa, foruak, Batzar Nagusiak eta kuadrillak.
22
Erantzun zure koadernoan
- Bi astetan zehar, bilatu egunkarietan Euskal Autonomia Erkidegoari buruzko berriak. Egin laburpena eta idatzi zeuk ateratako ondorioren bat.
|