Gizarte ordenak

Ekialdean bizi diren anai-arrebek zuen laguntza behar dute lehenbailehen (...); izan ere, entzungo zenuten moduan, turkiarrek eta arabiarrek eraso egin eta hainbat lurralde konkistatu dituzte (...). Gero eta lurralde kristau gehiago ari dira berenganatzen, eta zazpi gudu irabazi dituzte. Jende asko hil eta atxilotu dute, eta elizak erautsi eta Inperioa suntsitu egin dute. Hori guztia ikusita, nik, edo, hobeto esan, Jaunak, Kristoren heraldo izendatu zaituzte, esan dizuedana toki guztietan jakinaraz dezazuen, eta maila guztietako jendeari (infante eta zaldunei, aberats eta pobreei) kristau haiei laguntzera joateko eska diezaiozuen, geure anai-arreben mendean hartu dituen arraza mesprezagarri hori suntsitzeko.

Bidean zehar, itsasoz nahiz lehorrez, paganoen kontra borrokatzen hildako guztiei bekatuak barkatuko zaizkie. Deabruak goresten dituen behe mailako arraza anker horrek gure herria, Jainko ahalguztidunarengan sinesten duena eta Kristoren izenean goretsia izan dena, konkistatzea lortuko balu... A zer nolako zorigaitza!

Gure erromesak hirian sartu zirenean, sarrazenoak Salomonen tenpluan setiatu zituzten eta, (...) denak hil eta gero, barruan emakume eta haur asko aurkitu zituzten. Nahi zutena egin zuten. Batzuk hil eta beste batzuk bizirik utzi zituzten (...). Gero, gurutzatuek urreaz, zilarraz eta zaldiez jabetu eta aberatsen etxeak arpilatu zituzten. Biharamunean, goizez, gutarrek (...) sarrazeno errefuxiatuei eraso egin zieten (...). Denei, gizon-emakume guztiei, lepoa moztu zieten.