Hasiera Contacto Menua Edukia
1º D.B.H.
Gizarte Zientziak
Gaiak Prozedurak Diccionario
 
Gaia: Gure planeta
Atala: Lurraren mugimenduak eta hauen ondorioak

Errotazio mugimendua

Lurraren inklinazio angelua
Zona klimatikoak

Lurrak bere ardatzaren inguruan mendebaldetik ekialderantz egiten du bira errotazio-mugimenduaren ondorioz. Lurraren errotazio-ardatza okertuta dago eta 23º 27´-ko angelua osatzen du orbitaren planoarekiko perpendikularra den ardatzarekin.

Lurra esfera bat dela kontuan hartzen badugu, eguzki-izpiek gainazalaren guneen arabera zuzenean edo zeharka jotzen dute. Izpi perpendikularrak jasotzen dituzten guneetan gainerakoetan baino bero handiagoa egiten du. Izpiek zeharka jotzen duten tokietan aldiz, ez du halako berorik egiten.

Aipatutakoaren ondorioz, Lurreko gainazaleko puntu guztiek ez dute berotasun bera jasotzen. Horregatik, Lurrean zenbait gune daude:

Eguna eta gaua Lurran
  • Gune beroa ekuatorearen inguruan. Eguzki-izpiek perpendikularki jotzen dute urte osoan zehar.
  • Bi inguru epel, ekuatorearen iparraldean bata eta hegoaldean bestea.
  • Bi gune hotz, Lurreko bi poloetatik hurbil.

Lurra ia esfera bat denez, planetaren zati batek Eguzkiaren argia hartzen duenean, bestea ilunpetan geratzen da; gune horretan gaua da. Eguzkiaren argia jasotzen duen aldean, berriz, eguna da.


10

Erantzun zure koadernoan.

  • Munduko mapa bat kontsultatu eta gune beroan dauden hiru hiri, gune epeleko beste hiru eta gune hotzeko beste hiru kokatu.
11

Erantzun zure koadernoan.

  • Lurreko zein tokitan jotzen dute beti perpendikularki eguzki-izpiek?

Lurrak bere ardatzaren inguruan bira oso bat (360º) emateko behar duen denbora-tarteari eguna esaten zaio. Egun bat 24 zatitan banatzen da eta zati horietako bakoitzari ordu esaten zaio. Zehatzago esanda, egun batek 23 ordu, 56 minutu eta 4 segundo ditu.

Ordu-eremuak

Ordua, Lurreko tokian tokiko kokapenaren arabera, aldatu egiten da. Inguru bakoitzean zer ordu den jakiteko Lurra 24 ordu-eremutan banatzen da.

12

Erantzun zure koadernoan.

  • Munduko mapa batean ordu bera duten inguru desberdinetako hiriak bila itzazu. Zein ezaugarri betetzen dira horietan guztietan?
13

Ordu-eremuen mapari begiratu, eta honako galdera hauei erantzun:

  • Bilbon eguerdiko 12ak direnean, zer ordu da York Berrian, San Frantziskon, Tokion, Moskun, Caracasen eta Kairon?

  • Demagun Alacantetik Moskura bidai bat egiten duzula hegazkinez eta bidaia, hiru ordutan egiten duzula. Iritsitakoan, zer egin beharko zenuke erlojuarekin? Eta zortzi orduko hegalaldi batean Habanara joatekotan?

© 2005 | “Anakel.com Editorial Digital”-ek eskubide guztiak erreserbatuta ditu.